Ua ao

Aloha pumehana e ka mea heluhelu.

Ke ike nei au i kahi pilikia o'u, ma kekahi ano ua hookae aku au i kekahi poe maanei a ua komo no ka manao e hooponopono.  I keia la ma ka hana e kamailio ana au me ko'u luna a mea mai oia, "Manako, he oluolu nohoi oe.  No ke aha aohe wa naukiuki ou?" a ua noonoo no iau iho, he naukiuki nohoi kau keia!  Eia no nae, aole paha au e hoike aku ia lakou no ka nele o ka huaolelo.  He haawina no keia i ao e ia, oia hoi, he maikai ka nele o ka huaolelo i kekahi manawa no ka mea aole he hiki ke namunamu ina he maopopo ole ia oe na huaolelo e pono ai.  Mea hou maila, "He minoaka wale no kou i na wa apau!" ae koke akula au.

Eia no nae, aole loa au he hauoli i na wa apau maanei.  Me he la, e namunamu mau ana au i ka poe i hiki ke hoomaopopo i ke ano o ka'u olelo ana aku a he hewa maoli no kela.  I keia po i kahea akula au i kekahi hoa pili, a nana no i kokua nui mai iau ma o ka hoolohe i ko'u pilikia.  Eia ka, o na huaolelo ino a'u i hoopuka ai, oia mau no lakou e lewalewa ana i luna o'u ma hope no laila mai i eleu au a i ka hale kuai meaai me ka manao e hookuu i na manao ino ma o ka onioni ana.

I ko'u hoea ana aku nae, ua komo ka minamina a hilahila.  Na'u i hewa i ua kanaka ala, a ua ike ihola i ka mea e pono ai, oia no ka mihi ana aku.  No laila, kuai akula au i mea ono nana a ua eleu no hoi keia a i kona hale me ka noi huikala.

Ua kalaia.

Mahalo a nui.