E kui e ka lono mai o a o, he aloha ko ka poe o keia aina nei a ua loaa no ma kahi hale i kapa ia o Mahalo.
Oiai he nui no na kanaka e kue ana i ke ano o ko ka poe Kepani hoohana ana i na huaolelo Hawaii no ko lakou mau hana, ua ninauele iki au i kekahi kane Kepani, oia hoi ke kane nana i oki i ko'u lauoho i keia po. Na ka huaolelo hawaii i houmeume mua mai iau e naue aku i keia hale o Mahalo, a i ko'u hoea ana aku he ala pii e hele ana a i ka ipuka. Ua hoihoi ko'u komo ana i laila no ka mea, aole i maopopo iau pehea la ko lakou manao i ka poe no waho o Iapana e komo ana. Ua komo koke nae au i ke kamailio me keia kane, a ua hoao au e wehewehe i ko'u kumu o ke ku ana aku, oia no ka ike ana i ka olelo makuahine. Ua komo koke no ke aloha.
Mea ole ka hola pani o ka hale, na keia kane oluolu i ae maila e oki i ko'u lauoho i keia po ina ua oluolu ia manao iau. Ua hoomanawanui loa lakou apau i ko'u olelo Kepani haahaa loa, a ua mahalo nuiia e au. Nui na manawa a lakou i kipa akula i ka aina, a ua mahalo au ia lakou me ka paipai ana e hoi hou mai. Ua nani no.
O ka ninau a'u i makemake nui ai e hai aku iaia, oia no ke kumu o ka inoa o ia hale. Ua kanalua au i ko'u hiki ke maopopo, aka hilinai au i ke aloha a me kona hiki ke unuhi aku i ke ano o na naau pono, a ua pono no kona naau. I ka ninauia ana aku iaia, penei ke ano o kona pane:
O ka mahalo, he mea nui ia i oi loa ma luna o na mea apau. Mamuli o kona hoomaopopo ana i ke ano nui o ka huaolelo mahalo, a oiai he mana no ka olelo hawaii, ua makemake oia e hoike i kona mahalo nui i ka lehulehu e hiki mai ana paha i loko o ka wa o kona hale oki lauoho. Ua pono keia i ko'u kuhi, a he nani kona hana. Aia no kona hale oki lauoho ma lalo pono o kona hale, a lalo pono o ua hale oki lauoho nei, aia ka hale hana o kana wahine.
Ua pomaikai au i ka hui ana me keia ano Kepani.
Mahalo a nui.
No comments:
Post a Comment