Aloha pumehana kaua e ka mea heluhelu.
Eia au ma Iapana nei ma ke kikokiko ana e pili ana i ke ano o ko'u huakai. Ua mio wale ko'u lumi, a ua nani na hoa o'u i launa iho nei. O kekahi moolelo hoihoi a'u e hoike aku ai ia oukou, oia no ka moolelo o ko'u eke kala hou.
No ka poe i hele ole i Iapana, aole paha i maopopo he poe malama pono lakou i ko lakou kala. Aole hoi lakou e hoohana nui i ke kaleka kikoo kekahi a he mea pohihihi iau ke kumu. Ma muli o ka maemae o lakou, aole au e hana ino i ko lakou kala Kepani no laila ua pono au i kekahi eke kala ano loihi, aka aole au i noonoo no ia mea a hiki i ka po ma mua o ko'u haalele ana ia Hawaii.
No laila, ua hana au me ka lipine a me na ano kii like ole. Aia na kii o ko'u mau hoa, o ka ohana, o na pua, a o na ano wahi like ole hoi o Hawaii. He hoailona kuikawa no ia no ko'u ola. A, me ke kokua a ke kane o ko'u tita ma o hoi ka hoohana ana i kana anakuhi mahaka, ua hoike au i ka hoailona o ko'u ohana, oia hoi ka pua ponimoi, i hanaia me ka pepa kula e like me ke kii o luna nei.
Akahele oe e Iapana, miomio kahi eke kala o ko Hawaii.
Mahalo a nui.
No comments:
Post a Comment