Ka Hookipaia Ana

Aloha pumehana e ka mea heluhelu,

Poina no hoi iau ka inoa o keia ano hui ana, aka he inoa no ko ka paina a ke Kepani ke oe hui no ka inu ana a me ka hoonanea.  Ua hoolalaia he paina hookipa no maua na haumana i hele maila i ke Keena o Matsuyama a he ia ka ai o keia po.  Ua nani maoli no a he ono luaole na mea apau i waiho i mua o'u!

O kekahi mea hoihoi o keia po, ua kamailio o Kukuilani i ko maua luna a ua hoike ka luna ia maua i kekahi manao, oia hoi, aole maua e hoololi i ko maua ano.  Hoomaopopo paha ka mea heluhelu i ko'u moolelo o nehinei, oia hoi, ka'u mele ana i ka mele holookoa a'u i haku ai me ka nana ole i ka olelo o na luna e hoopokole mai.  Hui akula no au me Kakuhihewa!  Olelo mai nei ka luna, maikai keia hana.  A paipai nui oia ia maua e kapae i keia mau loina Kepani a e hana e like me ko Hawaii.

Hiki no e ka luna, hiki no.

Mahalo ka hui ana o keia po ma keia hale aina nani!

Mahalo a nui