He la keia i piha i na ano hoailona like ole. No ka poe piliuhane, a hoihoi ana paha keia mau manao a'u e hapai aku ia oe. I keia kakahiaka i ala ai au no ka holo wawae ana a puni ka paka e kokoke ana i ko'u hale. Aia ma kekahi kapa o ka paka ke ala e hiki aku ai i ke kakela o keia wahi. Ua kaulana o Ehime i kona kakela no laila, he nani no ka ike ana i ia e ku ala i luna i ka lai o uka. Eia nae, ua uhiia ka paka holookoa me ka noe. Me he la, he noho keia i na kuahiwi a ua nani no ka hooikaika kino o keia kakahiaka.
Eia pu kekahi mea hoihoi o ka holo wawae ana...eia ka he mea maikai ia no ka launa aku launa mai. Na kekahi poe o Hawaii, he aloha no ko lakou i na poe apau e kaalo ana ia lakou i ka wa kiihele. Me he la hoi, o na luahine me na elemakule apau o keia kulanakauhale, ua aloha maila lakou ia maua i ka wa e holo wawae ana. He aloha no ko lakou ia makou, a ua puiwa au i ka lohe ana i ka lakou mau leo oluolu ia makou i ke kakahiaka nui. Ke loli nei ko'u manao no ka oluolu o keia mau poe, malia paha aia lilo ko'u nanaina i mea maamau no lakou, a laila paha e oluolu loa maila lakou. Koe aku ia nae.
O kekahi mea hoihoi ae, oia no ka pouli o ka la i keia kakahiaka. Oia kekahi mea ae e hoopili ana ia maua i na hoa noho no ka mea ua puka kakou apau i waho. No'u iho he mea ano nui ia, aka na ka opua i alai maila i ka nana pono ana. Eia nae, ma o ko'u pahu pai kii i hiki iau ke hoopaa pono i kekahi kii o keia hana kuikawa o ka lani. Manao au ina ma Hawaii paha keia ano, he nui wale ka nua kanaka e puka ana i waho e nana...aka ma Iapana nei, me he la aohe poe i nana. Mamuli paha ia o ka nui o ke kakahiaka , oia ka mea a lakou i ala ole ai. He aha la hoi ke kumu, ua hoka maoli no lakou no ka mea aohe keia he hana maamau. Ke haawi piha nei au i kuu mahalo i ke Akua i kona hana nani i luna o makou, i mea hooheno no ko kakou mau maka. I ka wa a'u e nana ana i ka la, ua launa pu au ma kahi hoa noho. Maikai no ka mea kupono na hoa hou iau, ina aohe hoa a laila e kaumaha nei naau.
O ka hope hoi, oia no keia po ma ka mikini koloaka. Iau e huli ana i ko'u makemake ma ka mikini koloaka i oeoe mai ke ala kaaahi. No ka oeoe ana mai o ua ala kaaahi nei i hooku koke kahi luahine i kona hele wawae ana o hoopalahalahaia auanei oia. Aole emo, namunamu ana oia i kahi olelo ano e me ka leo kiekie a i nana hou aku ka'u hana, ua ikeia no he popoki e kaalo ana i ke ala kaaahi me ka wiwoole a me ka hupo pu kekahi. Akaaka ihola au i ka hoopakele ana aku a ka popoki a ua ano alawa ino maila ka luahine iau. Koho ihola au i ka PepsiOne no ka mea oia ka mea emi loa...a i ka wa i haule ai ua koloaka nei i kiki wale aku ke koloaka mai loko ma kahi puka na ka mikini i hana. Aue, hoopoho kala! Oia paha ka uku no ka akaaka i ka popoki minamina. Aue ka aoao piliuhane.
Mahalo ka heluhelu ana!
No comments:
Post a Comment