He la nani nohoi keia ma Ehime nei. Akahi nohoi au a ike, aia au ke noho nei i waena o elua mauna a aia he kakela ma luna o laua pakahi. Pomaikai ka nohona i Ehime nei.
I keia la i kipa aku ai makou i kekahi hoikeike pua loke kekahi. Ua malamaia ua hookuku nei i loko no o kekahi hale kaawale o ka hale hoikeike o keia wahi. Pau o loko o ua hale nei i ke ala onaona o ka rose. Auhea oe e ka mea heluhelu, ua oi aku oia ma luna o na pua apau i kamaaina iau! Me he mea la, ua noho no au i ke ala onaona o ka pua kiele oe, ka pua pikake oe, a o ka pakalana no hoi pu, aka aohe o'u ike i ke ala o ka rose. Nui ka poe i olelo maila he ala onaona kona aka, manao nohoi au he ala lahilahi wale kona. O ka hale piha i ke ala rose, oia no oe o ka lani o ke Akua paha! Aia komo au, ua pau ka pilikia, a ua olioli maila ka naau.
A o ka poe Kepani, he akamai hoi lakou ma ka malama mala rose ana.
Mahalo a nui
No comments:
Post a Comment