Ka Ohi Pupu

Aloha pumehana kaua e ka mea heluhelu. I keia la kakou i naue aku ai i kahi i kapaia ma ka inoa o Fuwari. He aha la ke ano o ia wahi, aole loa maopopo iau. I ka hooku ana aku i ke kee, ua loheia ke kani hokio o ka popailima. Ua pihoihoi au i ia wa no ka mea, he iini ka'u e ike i ke ano o ko Iapana popailima. He lohe wale no ko'u pepeiao i ke ano okoa o ka lakou paani ana, aohe nae o'u ike; ua ike nae au mai kahi mamao aku ka paani popeku wawae a ua eleu maoli no ka poe Kepani. O ke ano o ia wahi, he hoolaulea Kepani. Aole nae makou i makemake e uku (aole paha i lawa ka manawa) no ka hele ana i ka hoolaulea maoli, aka nae aia ma kekahi aoao aku o ke alaloa ke kahakai o keia aina a he nani okoa no ia. Ua ikeia na keiki a me na kupuna pu ma ka huehue one a ua ulu no ka hoi a me ia mau manao makou i hele aku i laila i mea e niele aku i ke kumu o ka lakou huli ana i ke aha la ma ke one o kahakai. I ka hoea ana aku, eia ka he pupu a lakou e imi nei a he papai pu kekahi! Ua kiuke wale no ka nana ana i ka lakou hana no ka mea ua kau ka halia no Hawaii. He nui no na manawa a kakou e hele kahakai a ohi pupu. He nani ia ka ike ana i ka hua a lakou ala e imi nei, ua wehewehe akula au i ko'u mau hoa hele i ka lealea o ka huli pupu ma Hawaii a wehewehe pu aku au i ka waiwai o ka pupu o ka aina aloha a Kahelelani. Kahaha iho nei lakou a pau i ka waiwai o ka pupu a ua komo no ka iini e huli makou ma ke one i pupu, a i mea hoihoi ae paha. Nanea au i ka makaikai kahakai! He loaa na ano pupu pupuka like ole, me na limu he ano e, a he loaa ka pololia pu! Nana, o ka Hawaii o ke Kepani, ua ano like a like hoi. Mahalo a nui.