I keia la i hoomaka ai maua o Kukuilani e hoomaamaa i ke mele a maua e mele aku ai i ka wa o ke kipa ana i ke kia hoomanao ma Uwajima. Oia paha ka hanana koikoi loa o keia hele ana mai i Iapana nei, oia hoi, ka hoike ana i ko makou minamina i na mea ino i hanaia he mau makahiki aku nei ma Hawaii. O koʻu koho mua, ua makemake nohoi au e haku i mele kupono no ia wa, aka aole i lawa ka manawa. No laila e mele ana maua i na mele elua o Ka Nohona Pili Kai laua o Nada Sou Sou. Ua ano like ke ea o na mele elua, aka he mau mele ano kaulana ma na aina a elua, a e hoohui ana maua i na mele. Naʻu ana ka mahele Hawaii, nana ana ka mahele Kepani.
I ko maua hoomaamaa ana nae i keia la, e hoao ana au huli i ke ki kupono i koʻu waha. Aole au he poe i aoia ma ke ki mele, a ua ano komo nui ka hilahila. Me ka ia ala kokua nae i holo ano maikai ko maua hoomaamaa ana. Manao ana, me ka laki a me ka pomaikai o ke Akua, e nani ana ka maua hana i mua o ke kia hoomanao. E pule kakou no ka pono o keia mele.
Mahalo a nui.
No comments:
Post a Comment