He aloha no

Aloha pumehana kāua,

I ike ka lehulehu, aole loa keia he kanaka hoolaha huakai.  Aole naʻu ke kuleana o ka hoike ana aku i ke ano o ka huakai ana ma Hawaii wale no, he hoopau manawa keia hana.  Aohe manao waiwai o laila.  I keia la ia ano papaolelo hou maua o Kukuilani e pili ana i ka haawi ana i mau pepa me na manao e pili ana i ka haawi kipi, ke kau kaa ohua ana, a me ke ano o ke kala Amelika.  Ina ua ike au o ke ano o kaʻu hana ana ka hoikeike nohona haole, ua hoole au i koʻu kipa ana mai maanei.

I kona hapai ana i ka manao, makemake oia e hana i pepa no ka haawi ana aku ia lakou, ua hoole au no ka mea aole pela ke ano o ko maua hoike.  He hoike wale no mai ka waha a ko Hawaii.  O ka mea apiki nae, maopopo iau, e mahalo nui ana ke Kepani i keia hana no ka mea aole lakou hele wale i kekahi wahi.  Oia mau no nae koʻu nuha!  Aole au makemake e haawi wale i keia mau mea kokua huakai!

Oia ka pilikia.  Ina lakou hele wale i Hawaii me ka ole o ke kumu e hapai i mau ninau i ko laila, aole lakou i IKE MAOLI ia Hawaii. Pela ka moolelo o ka moi wahine ma Waiau, ea?  Aole oia i ike ia Waiau a hiki i kona au ana ma laila.  Peia pu me Hawaii, ina aole lakou luu i ke ano o ko Hawaii, aole lakou i ike ia Hawaii. 

Kena wahi waha nui. 

Mahalo a nui