I keia la au i aa ai i ke ao ana i ka hula o kaʻu mele ponoi, o Kaulana ao Maunawili. O ke kumu hoi o koʻu koho ana i ua mele nei, oia no kona ano he noa oiai naʻu no i haku. No ka poe i maopopo ole ( a he kakaikahi wale paha ka poe e heluhelu ana i keia mahele me ka ole o ka maopopo no ke mele o Kaulana ao Maunawili) naʻu i haku i ua mele nei no Mukiki Wai i kela makahiki aku nei. Manao ihola au ua kupono ka hula noho oiai e hui ana makou i mau keikikane, a he hilahila paha ko ka nui o lakou i ka hula ana ma ke ano auana no ka mea kuhihewa ka nui o ko Iapana he mau poe hula auana wale ko Hawaii. Aole ka.
O kekahi mea maikai a hauoli o ka naau, ua hula no lakou a pau. O na mea i hula ole hoi, aole o ke kumu o ko lakou hula ole ana ka makemake ole, o ke kumu nae, oia no ko lakou makemake ole e pai wikioia, a ua ku maila ka nu hou a me ka nupepa o keia wahi. Olioli kuu naau i ka ike ana ia lakou a pau i ke komo ana i ka hana, a i koʻu manao ua hauoli ko lakou naau kekahi.
Eia kekahi manao, ua ikeia, kekahi o lakou he ilihune ko lakou ohana. Aole paha kakou e noonoo nui no keia pilikia o ka poe Kepani no ka mea, ike kakou i ko lakou ano waiwai i na manawa apau ma Hawaii. Aole penei ma na wahi a pau. I noonoo hou aku ka hana, he manao ahuwale keia aka, ua komo maoli ka luuluu i ka noonoo aku, aole e ku mai ana ka nui o kekahi poe haumana ma Hawaii no ka nele o ke kala. Ua aneane kulu koʻu waimaka! O koʻu kipa ana ia lakou ma ko lakou kula, oia wale no ko lakou mea e ike ai o Hawaii.
Aue no ka hoi e
Mahalo a nui
No comments:
Post a Comment