O koʻu kumuhana e namu ai o keia la, oia ka nele o kahi kalipa. No ka poe i maopopo ole, ua kuai nohoi au i kekahi mau kamaa ku i ke kaila ma ka hale o Ross mai ma mua iho o koʻu haalele ana aku ia Hawaii no Iapana nei. Ua nani no na kamaa, ua pono.
Eia nae i koʻu ku ana mai maanei, aole au i nana hou i ua mau kamaa nei. Ma ka la o koʻu hui ana me ke kiaaina i hoao au e komo i na kamaa, eia ka aole i hiki ke komo koʻu wawae hema. Me he la, ua oi aku ka nui o kekahi kamaa ma mua o kekahi. Aue no ka hoi e, ua hoopau au i ke kala, a aohe oʻu kamaa ma Iapana no ka mea, aohe wahi e kuai aku nei i ka nui i pono ai na waa kaulua umi ihu.
O keia la nae ka makamua o ka pilikia me ke ano o koʻu mau kamaa no ka mea, i ko makou kipa ana aku i ka poo o kekahi hale kiwi maanei, ua nana ihola oia i koʻu mau wawae me he mea la ua nuha oia i koʻu mau kamaa.
Aloha no..
Mahalo a nui.
this was a delight to read, my friend i look forward to more posts from you.
ReplyDelete