No ka poe i maopopo ole, aia maanei he hale wai mehana no ka hoonanea ana, a ua kaulana kona inoa o Dogo. O Dogo nohoi paha ka hale wai mehana mua loa ma Iapana nei, a ua nanaia no e ka Studio Ghibli no ke kii onioni o Spirited Away. Aohe oʻu hala malaila, a hiki i keia po ma hope o ka aina ahiahi.
No ka poe e komo ole i keia hale wai mehana, oiai he mea pipii, aia no ma waho he wahi i hiki i ka wawae ka komo i ka wai. Aue ua nanea no hoi kau keia i ka noho ana malaila. Me he la ua kuu na pilikia a pau mai ke kino i waho o ka manamana wawae. A he wikamina ko ka wai kekahi, no laila i keia manawa he ano maikai ko koʻu mau wawae.
Mahope i makaikai iki makou kekahi mau hoa ma kahi o laila a ua hoikeia he mau hoailona ame na wahi pana. He po nanea hoi keia.
Mahalo
No comments:
Post a Comment