Aole o kana mai koʻu hauoli i ke kipa ana aku i kahi kula haahaa o Iapana nei! Aue, ua okoa maoli no ke ano o ko lakou kula a ua nani no! Hoomaemae lakou i ko lakou kula ponoi! I koʻu wa o ka haalele ana i ke kaa, ma mua o koʻu ku ana ma ka holoe, ua pono e waiho koʻu mau kamaa ma ke alaloa a komo i ke kalipa maemae no ka holoholo ana ma laila! Aole au i ike i keia ano ma mua, he hoihoi no hoi.
Eia pu kekahi, ua hookipa lakou ia maua ma ka olelo haole! He mau keiki liilii keia! Komo maua o Kukuilani i ka lumi hookipa (he nani pu oia) a na keia mau keiki i kau i mua oʻu na ano mea ono o keia kulanakauhale a me ke ki wela, a laila ua noho pu maila lakou a pau a e komo no i ke kamailio. Aole paha i hiki ia lakou ke hoomaopopo i na mea apau, aka ua ku wiwoole mai lakou ma ka ninau ana mai ia maua i na ano ninau like ole.
A laila, i ka wa a maua i hoikeike aku ai i na ano mea e pili ana ia Hawaii, ua ano hoihoi lakou! A, ma muli o ka maua haawi ana i kanake no na kanake e pane ana i na ninau me ka maikai, ua eleu lakou a pau i ka walaau ana ia maua. Me he mea la, o ka nui o lakou aole o lakou ike i na kanaka no waho o Iapana. I kela keia wahi a maua i hele ai, ua ku lakou ma ka aoao i ole ma ka puka aniani paha a nana wale mai me ke kahaha i ia mea he malihini, he kupaianaha no hoi!
Nui no nae koʻu aloha ia lakou, a mamuli o ka lakou hookipa maikai ana, he kakali wale no koʻu no na la eae a maua e kipa ana i na kula.
Mahalo a nui loa.
No comments:
Post a Comment