Puke Olelo Hawaii

Aloha pumehana kaua,

Ua pomaikai au i ka launa ana me kekahi kane, he haumana oia o ke kulanui kaiaulu o Kapiolani a ua puka oia mai laila mai, a laila nee mai oia i Matsuyama nei.  Ua launa au me ia ma ke kulanui o Ehime maanei i nehinei, a ua nui kona oluolu!

Eia hou.  I keia la i kipa maila oia ia maua ma ke keena, a ua makana maila oia ia maua i mau makana!  A laila, unuhi ae oia i kahi puke mai loko mai o kona eke paisi.  Eia ka, he puke olelo hawaii kamalii!  Niele akula au iaia i kahi i loaa iaia ua puke nei, a wehewehe maila oia no kona huakai i ke kulanui o Hawaii.  Malaila oia i launa ai i kahi kumu, a na keia kumu i makana akula iaia i keia puke.  Ua hoao nui oia e unuhi i ka puke holookoa me kona ike lihilihi a me kona puke wehewehe olelo hawaii.  AUE, eleu hoi oia!

No laila, noi maila oia iau e unuhi nona! Ua hauoli hoi au!

Mahalo a nui!