Ua hauoli wale keia i ka hana o keia la. Aole o ke kipa ana aku i ke kula kiekie wale no kaʻu mea i hauoli ai, eia hou o ka haku mele ka maua o Kukuilani i keia la i ke kaa. O ka maa mau, aole maua hana i kekahi mea ma ke kaa i ka holo loloa ana o ka holo ana o keia la, he hookahi hola me ka hapa hoi. No laila, hoohemo au i koʻu ukulele mai loko mai o kona hale papaa, hookani akula. Iau e hookani ana i upu mai ai, i komo ai hoi ka manao e haku i mele hou no laila i huli akula au ia Kukuilani.
Hapai akula no au i ka manao e haku i kahi mele hawaii ma ka olelo Kepani a ae maila kela. He nani keia loina i kuu wahi manao, a i ka hoea ana aku, he mele no aka ua poina ihola na hua olelo. Aole pilikia, o ke kani mai o ka akaaka ka mea nui.
I ka hoi ana mai i kaona nei, no ka hoihoi i loko oʻu i ke mele i uweheia ka puke mele o ka papa mele o kela kau i hala ae nei. Aue, kau nui ka halia! O na mele a pau o na hoa papa i loko o ia puke, me he la, o lakou e ku ana i mua oʻu ma ke mele ana i ka lakou poe mele ponoi. Nani no ka leo Hawaii.
A he hao koʻu i ka aina.
Mahalo.
No comments:
Post a Comment