O Ka Poe Pilipino

Aloha mai kaua e ka mea heluhelu,

O keia la, he manao koʻu e pili ana i ka poe Pilipino.  He papa ao hoomakaukau meaai ka koʻu keena i keia la, a e like me kaʻu i olelo ai mamua, o na meaai, he mau ano.  O ka nui o na kanaka nana e ao i ua papa nei, aia no lakou ke hana nei i loko o koʻu keena ma Matsuyama nei.  Eia no nae, hookahi kanaka no waho aku, a he poe Pilipino kela.  O kana meaai i hoomakaukau ai, oia no ka leche flan a ua ono maoli no.

O ka mea kupaianaha o keia mau poe, ua lawe oia i kona ohana holookoa, a me ka ole o ka hoike ana mai, ua hana lakou i mau nulu Pilipino kekahi.  Ua nani ka ike ana i ka lahui a me na loina i ano paa iau no koʻu noho ana i kahi kaiaulu o ka Pilipino ma Hawaii, a ua hauoli mai koʻu naau. A ua ono no ka meaai.

Makemake au e hoomaikai i ka poe Pilipino no ka mea, he nui lakou.  He poe holo lakou, a ma Iapana, oia mau no ke ola o ko lakou loina.  Aole pela me ka nui o na kanaka e ku mai ana ma Iapana nei.  O ke ano o ka noonoo Kepani, "E hamale aku i ka kui nao e kue ana," aole nae hamaleia o ka Pilipino.  I koʻu launa ana me ua lahui ma Osaka, a maanei nei, paa lakou.  Aka, ua hiki no ia lakou a pau ke olelo ma ka olelo Kepani...kalena wale keia lahui.

Mahalo